Департамент мәліметінше, оқиға 12 қыркүйек күні сағат 01:24-те Алматы облысының "Жетіген-Құрөзек" аралығында болған.
- Жүк пойызының машинисі темір жолдан өтіп бара жатқан бір отар қойды байқап, дереу тежегішті басқан. Соған қарамастан 530 бас қойдың 123-ін пойыз басып кетті. Пойыз 13 минут тоқтап тұрды, - деді Көліктегі ПД бастығы Оңал Бекеев.
Оның айтуынша, оқиға орнына Алтынкөл станциясындағы Желілік полиция бөлімшесінің қызметкерлері бірден жетті. Жүргізілген іс-шаралар барысында малдың иесі анықталды. Ол Алматы облысы Туғанбай ауылының 36 жастағы тұрғыны болып шықты.