Бұл жобада заңгер Орынбасар Тілепберген қоғамда жиі талқыланатын қылмыстар мен даулы істерге кәсіби тұрғыдан баға береді. Біз нақты оқиғаларды талдап, заң бойынша қандай бап қолданылатынын, қандай жаза қарастырылғанын және әр жағдайдан қоғам қандай сабақ алуы керектігін түсіндіруге тырысамыз. Әр шығарылым тек талдау емес, сонымен қатар құқықтық сауаттылықты арттыруға бағытталған. Мақсатымыз - көрерменге заңның қалай жұмыс істейтінін көрсету, өз құқығын білуге және оны қорғауға ынталандыру. Бүгінгі шығарылымда ел назарын аударған бірнеше өзекті тақырып қозғалды. Олардың қатарында: елімізде ішкіліксіз ауылдардың саны көбейгені; Түркістанда ауыр соққыдан көз жұмған балаға қатысты тергеу; Созақ ауданының учаскелік инспекторының пара алу күдігімен ұсталуы; Алматы әуежайында әуе компания қызметкерінің 7 миллион теңгенің телефондарын ұрлауы. Әр тақырып бойынша заңгер Орынбасар Тілепберген өз пікірін, дәлелдерін және кәсіби көзқарасын ортаға салады. Толығырақ білу үшін шығарылымды көріңіз.