YouTube видеохостингі Венесуэла президенті Николас Мадуроның аккаунтын бұғаттады, деп хабарлайды El.kz интернет порталы.

Оның өкілдері ресми парақшаны ашуға әрекет жасағанда, «қолдану ережесін бұзғаны үшін бұғатталды» деген жазу шығады.

Мадуроның YouTube-арнасында үкімет пен президенттің күнделікті іс-шаралары жайлы жазбалар мен тікелей эфирлер жарияланып келген. Каналда 200 мыңнан астам жазылушы бар еді.

Қаракаста бұл ақпаратқа қатысты әзірге ресми түсініктеме берілген жоқ.