2022 жылы "Ұлы дала жорығы" марафон-бәйгесінің алғаш маусымы ойдағыдай өтті. Бұл оқиға ат спорты әлеміндегі нағыз жаңалық болды. Бірінші марафонның қашықтығы 1200 шақырымды құрады. Оның қашықтығы мен қиындығына қарамастан, 95 тұлпардың 26-сы ойдағыдай мәреге жетті, - деді "Ұлы дала жорығы" марафон-бәйгесінің ұйымдастыру комитеті.
Моңғолия елінде де осындай ат марафоны өткізіледі. Алайда онда ашықтық 1000 шақырымды құрайды. Бұл ретте әр 40 шақырым сайын жылқы ауыстырылып отыратынын ескерген жөн.
Қазақстандағы жағдайда марафон қашықтығының жартысы - 650 шақырымнан кейін бір рет қана ат ауыстырыу рұқсат етіліп отыр. Бұл тағы бір мәрте қазақтың жылқы тұқымдарының ерекше төзімділігін растайды. Биылғы маусымда қашықтық 1300 шақырымды құрайды. Шабандоздар Астанадан Түркістанға дейінгі бағытты 14 күн ішінде өтуге тиіс. Бұл міндетті аз уақыт ішінде орындап шығатын команда "Ұлы дала жорығы" марафон- бәйгесінің абсолютті жеңімпазы атанбақ.
"Ұлы дала жорығы – 2023" марафон-бәйгесінің маусымы 6 қыркүйекте сағат 14:00-де Қаражар (Ильинка) ауылында басталады.