Ауа-райы нашарлап, қатты боран салдарынан жол болмай, Қостанай облысы Қарасу ауданы Новоселовка ауылына 1966 жылы туған әйелге көмек көрсету үшін жедел жәрдем автокөлігі шақыртуға шыға алмай қалған, деп хабарлайды El.kz ақпарат агенттігі.
Ақ халаттылар ТЖМ құтқарушыларының көмегіне жүгініп, олар өз орнына жол талғамайтын арнайы көлікпен жолға аттанды. Осылайша жолдың күрделі учаскесін аман-есен еңсере отырып, құтқарушылар ауыр жағдайдағы науқасты ауруханаға жеткізді.