Түркияның «Бандырма Санайиспор» футбол клубының қақпашысы Огузхан Камаджи жаттығу кезінде қайтыс болды. Ол небәрі 28 жаста еді, деп хабарлайды El.kz интернет порталы.

Haberturk порталының хабарлауынша, спортшы соққыларды қайтару жаттығуы кезінде өзін жайсыз сезінген. Алдын ала деректер бойынша, өлімнің себебі ­­– жүрек талмасы.

Белгілі болғандай, Камаджи 21 қазанда кардиологқа жазылған екен. Себебі соңғы ойындардың бірінде өзін нашар сезінген.

Футболшының жаназасы сейсенбі күні өтеді.