Әлеуметтік желілерде Түркістан облысында ер адам бес жасар қызды зорлады деген ақпарат тараған, деп хабарлайды El.kz ақпарат агенттігі.
Арыс қаласында болған осы жайтқа байланысты полиция тергеу жүргізіп, күдіктіні қолға түсірді.
21 мамырында Арыс АПБ-ға жергілікті тұрғыннан хабарлама келіп түсті. Жергілікті тұрғынның арызы негізінде полицейлер жедел-іздестіру іс-шараларын жүргізіп, нәтижесінде күдіктіні сол сағатта ұстады. Ол Арыс қаласының тұрғыны болып шықты, - делінген поилция таратқан мәліметте.
Бұл факт ҚР ҚК-нің 121-бабы 4-бөлігі «Сексуалдық сипаттағы зорлық-зомбылық әрекеттері» бойынша тіркелді. Күдікті қамауға алынған. Оқиғаның толық мән-жайы анықталуда.
Қыз баламен психологтар жұмыс жүргізген, қазір ол үйінде.