Түркістан облысында Сырдария өзеніне түскен 11 адам суға батып кетті, деп хабарлайды El.kz ақпарат агенттігі.
Оқиға Отырар ауданының Сырдария өзенінде, автокөлік көпірінің маңында болған. Олар суға түсуге арналмаған жерде шомылған.
Төтенше жағдайлар департаменті судан 8 мәйітті шығарды (тұлғасы мен жасы анықталуда), үш адамды іздеу жұмыстары жалғасуда.
Облыстық ТЖД-да жедел штаб құрылып, қауырт желі жұмыс істеп тұр: 8-7253-357881.
Оқиға орнына 144 адам, 16 техника, 6 жүзу құралы және дрон жұмылдырылды.
Төтенше жағдайлар министрлігі азаматтарды судағы қауіпсіздік шараларын қатаң сақтауға шақырады.
Посмотреть эту публикацию в Instagram