Бала туу көсреткіші бойынша Түркістан облысы көш бастап тұр, деп хабарлайды El.kz ақпарат агенттігі.
Бұл мәліметті Түркістан Өңірлік коммуникациялар қызметінде өткен брифингте Стратегиялық жоспарлау және реформалар агенттігі Ұлттық статистика бюросының Түркістан облысы бойынша департаменті басшысының орынбасары Нұрқожа Бекжанов айтты.
2023 жылдың 1 желтоқсанындағы көрсеткіш бойынша Түркістан облысы халқының саны 2 140 926 адамды құрады. Оның ішінде қала халқы – 527 633 адам, ауыл халқы – 1 613 293 адам. 2023 жылдың қаңтар-қараша айларында 51 145 бала туған. Оның 26 323-і – ұл бала, 24 822-сі – қыз бала. Бүгінде облыс туу бойынша республикада көш басында, оның үлесі 14,3% құрап отыр,-деді Нұрқожа Бекжанов.
Бұдан бөлек спикер өткен жылдың қаңтар-қараша айларында 10 826 неке тіркелгендігін айтты. Сондай-ақ 2023 жылы тіркелген ажырасулар саны 2022 жылмен салыстырғанда 5,6%-ға кеміген. Сонымен қатар өткен жылдың қаңтар-қараша айларында көші-қонмен облысқа 35 953 адам келген. Оның ішінде 35 473 адам – Қазақстанның басқа облыстарынан, 473 адам – ынтымақтастық елдерінен, 7 адам - алыс шет елдерден келген. Жалпы облыс ішіндегі көші-қон 40 373 адамды құраған.
Оқи отырыңыз: