«Манчестер Сити» тұңғыш рет УЕФА Суперкубогын иеленді, деп хабарлайды El.kz ақпарат агенттігі.
Ағылшынның «Мансити» клубы УЕФА Суперкубогы үшін таласта Испанияның «Севилья» клубын ұтты.
Матчтың негізгі уақыты 1:1 есебімен тең аяқталды. «Севильядан» Юссеф Эн-Несири 25-минутта есеп ашса, «Манчестер Сити»сапынан 63-минутта Коул Палмер таразы басын теңестірді.
Пенальти сериясында ағылшын командасы 5:4 есебімен жеңіске жетті. «Севилья» клубының жартылай қорғаушысы Неманья Гудель тепкен доп қақпадан қиыс кетті.
2022/23 маусымда «қалалықтар» Чемпиондар лигасында да алғаш рет топ жарды.