35 жасында Қазақ ұлттық қыздар педагогикалық университетінің ректоры атанып, бүгінде Nazarbayev University-де вице-президент қызметін атқарып отырған Гүлмира Қанай – халықаралық тәжірибесі бар білікті білім менеджері. Кембридж университетінде PhD дәрежесін қорғап, мұғалімдердің көшбасшылығы тақырыбын зерттеген сарапшымен жоғары білімнің бүгінгі бағыты туралы кеңінен әңгімелестік.
Сұхбат барысында жасанды интеллект дәуірінде дипломның құны қалай өзгеріп жатқаны, академиялық адалдықтың жаңа сын-қатерлері және білім жүйесінің трансформациясы сөз болды. Сонымен қатар, Назарбаев университеті түлектерінің шетелдік компанияларға кету себептері мен олардың елге қосып жатқан үлесі де талқыланды.