Торайғыров университеті Куэйд-и-Азам университетімен (QAU) өзара түсіністік туралы меморандумға қол қойды, El.kz ақпараттық агенттігі.
Ғылым және жоғары білім министрлігінің мәліметінше, қол қою рәсіміне QAU докторы, вице-канцлері Мұхаммед Әли және Басқарма төрағасы – ToU ректоры Еркін Садықов қатысты.
Тараптар арасындағы ынтымақтастық студенттер мен қызметкерлермен алмасу, бірлескен зерттеу қызметі, семинарлар мен академиялық кездесулерге қатысу, академиялық ақпарат пен материалдармен алмасу, өзара қызығушылық тудыратын жарияланым қызметі сияқты іс-шаралар немесе бағдарламалар өзара әрекеттескен кезде жүзеге асырылады.
Біз Пәкістанның Куэйд-и-Азам университетімен ынтымақтастық туралы Меморандумға қол қойдық. Исламабадта орналасқан жоғары оқу орны Азияның топ-100 жоғары оқу орындарының қатарына кіреді және QS университеттерінің әлемдік рейтингінде 315-ші орында. Бұл біздің жаңа серіктесіміздің қуатты ғылыми және білім беру әлеуетін көрсетеді, - деп атап өтті ЖОО ректоры Еркін Садықов.
Сонымен қатар, рәсімге пәкістандық профессор Шуджаул Мульк Хан және пәкістандық студент Ахмед Интесар қатысты.