Жетісу облысына барған төтенше жағдайлар вице-министрі генерал-майор Ерлан Нұрпейісов Қорғас-1, Қорғас-2 жобасы селден қорғау құрылысының құрылыс алаңдарын аралады, деп хабарлайды El.kz ақпарат агенттігі.
Сондай-ақ, Балпық би ауылындағы өрт сөндіру депосының жаңа салынып жатқан ғимараттарын, Жетісу облысы ТЖД әкімшілік ғимаратын және гарнизонның басқа да бөлімшелерінде болды.
Кице-министр Панфилов, Кербұлақ, Көксу аудандары мен Талдықорған қаласының гарнизондары құтқарушыларының күнделікті өмірімен, материалдық-техникалық базасымен де танысты.
Сапар соңында ТЖ вице-министрі өңірдің және оның азаматтарының қауіпсіздігін қамтамасыз ету, материалдық-техникалық базаны жақсарту бойынша одан әрі жұмыс жүргізу үшін нақты тапсырмалар берді.