Тайвань үкіметі 2025 жылға қарай елге 10 млн турист тарту үшін оларға ақша төлеуі мүмкін, деп хабарлайды El.kz The Points Guy порталына сілтеме жасап.
Ел билігі әр саяхатшыға беретін сыйақыны 5 мың тайвань доллары (164 доллар) деп белгіледі.
Осылайша, олар туризмді дамытып, биыл 6 млн саяхатшы тартуға ниеттеніп отыр.
Тайвань туристік бюросының бас директоры Чан Ши-Чжун бұл төлемдер туристік картаға цифрлық түрде жіберілетіндігін айтты. Туристер қаражатты тамаққа немесе қонақүй мен көлік шығындарына жұмсауға болады.
Бұған дейін Тайвань соңғы төрт жылда тәжірибе ретінде енгізілген визасыз режимді алып тастаған болатын.