Таяу Шығыстағы тұрақсыз геосаяси жағдайға байланысты КС 205/206 Астана-Дубай-Астана және Алматы-Дубай-Алматы KC897/898 рейстері кешіктірілуде. Air Astana әуе компаниясы осындай хабарландыру таратты, деп хабарлайды El.kz ақпарат агенттігі.
Ұшудың алдын ала уақыты бүгін 15.00-де күтілуде.
Жолаушылар мен экипаждардың қауіпсіздігін қамтамасыз ету үшін Air Astana компаниясының Дубай мен Жиддаға рейстері Иранның әуе кеңістігін айналып өтіп орындалатын болады. Әуекомпания Таяу Шығыстағы жағдайды мұқият қадағалайды және қажет болған жағдайда өзгерістер енгізетін болады,-делінген әуе компания мәліметінде.
Айта кетсек, сәуірдің 13-інен 14-іне қараған түні Иран Израильге дрон және қанатты зымырандар арқылы шабуыл жасады.