Алматы облысының Талғар ауданы Талғар қаласында 20-35 жас аралығындағы әйел адам ағысы күшті суару каналына секіріп, болжам бойынша суицид жасаған, деп хабарлайды El.kz ақпарат агенттігі.
ҚР ТЖМ Республикалық жедел-құтқару жасағының мәліметінше, оқиға туралы сол жерден өтіп жатқан куәгер хабарлаған.
«ҚР ТЖМ РЖҚЖ жедел тобы әйел адамды 10 сағат іздеп, шамамен құлаған орнынан 8 шақырым жерден денесін тапты. Мәйіт полиция қызметкерлеріне тапсырылды», - делінген хабарламада.