Талғарда әкім сайлауы өтетін күн белгілі болды, деп хабарлайды El.kz ақпарат агенттігі.
ОСК мәліметінше, Алматы облысының Талғар аудандық сайлау комиссиясы қала әкімін сайлау күні деп 15 желтоқсанды белгілеген.
Естеріңізде болса, Талғардың бұған дейінгі әкімі Бақыт Күрішбеков 16 жасар Шерзат Болаттың өлімінен соң – 15 қазан күні қызметінен босатылды.
Күрішбеков 2022 жылғы маусымда өткен сайлауда 47,71 пайыз дауыс жинап, жеңіске жеткен. Сол кезде дауыс берушілер саны 23,77 пайызды ғана құраған.