Өрт сөндірушілер 23 адамды эвакуациялады, деп хабарлайды El.kz ақпарат агенттігі.

ТЖМ мәліметінше, Талдықорған қаласында І.Жансүгіров көшесі бойында орналасқан 5 қабатты үйдің 4-қабаттағы пәтерден өрт шығып, оның ащы түтін бүкіл кіреберіске тараған.

Құтқарушылар өртті мүмкіндігінше қысқа мерзімде сөндіріп, баспалдақ маршымен 23 адамды, оның ішінде 3 баланы эвакуациялады. Зардап шеккендер жоқ, - делінген мәліметте.

ТЖМ түтіннің көп шоғырланған жерінен сақ болуға шақырады.