Қостанай облысында су тасқынына байланысты «Желқуар» өткізу пункті жұмысының тоқтатылды, деп хабарлайды El.kz ақпарат агенттігі.
Қостанай облысындағы су тасқыны жағдайына байланысты 29 наурыздан бастап «Желқуар» автомобильдік өткізу пунктінде Қазақстан Республикасының мемлекеттік шекарасы арқылы адамдарды, көлік құралдарын, жүктер мен тауарларды өткізу уақытша тоқтатылды. Көлік құралдарының жүргізушілеріне және осы аймақта шекарадан өтуді жоспарлап отырған адамдарға қалыптасқан жағдайды ескере отырып, өздерінің қозғалыс бағыттарын түзету ұсынылады, - деп мәлімдеді ҰҚК шекара қызметі.