Қазақстандық пара спортшы Сиязбек Далиев 50 метр баттерфляй жарысында S5 класында 36.35 секунд нәтижесімен 7-орынға тұрақтады. Осылайша отандасымыз Паралимпиада ойындарын аяқтады, деп хабарлайды El.kz ақпарат агенттігі.

Жарыстың нәтижелері бойынша қытайлық спортшылар барлық жүлделі орындарды иеленді. Бірінші орынды Го Джинчэн 30.28 секунд нәтижесімен жеңіп алды. Ал екінші орынды Юань Вэйи 30.71 секунд көрсеткішімен иеленді. Жүлделі үшінші орын Ван Личаоға 30.89 секунд нәтижесімен бұйырды.