Шымкентте екі танысын пышақтап мас күйде өлтірген әйел сотталды, деп хабарлайды EL.kz ақпарат агенттігі.
Қайғылы оқиға өткен жылдың 19 шілдесі күні Көксай-2 шағын ауданында болған. Алкогольдік ішімдік ішкен топ түсініспеушілік туындап, кісі өлімі орын алды. Шымкент қаласының қылмыстық істер жөніндегі мамандандырылған ауданаралық соты күдіктіні кінәлі деп танып, 15 жыл 6 ай мерзімге бас бостандығынан айырды.
Сот сотталушыға жаза түрі мен мөлшерін белгілеген кезде оның қылмыстық жауаптылығы мен жазасын жеңілдететін мән-жайлар ретінде кінәсін мойындағанын, шын ниетпен өкінуін ескерді, – делінген хабарламада.
Үкім заңды күшіне енген жоқ.