Шымкентте экс-дәрігер есірткі қойып жүрген жерінен ұсталды

Есірткі қылмысына қарсы іс-қимыл басқармасының қызметкерлері жедел іс-шаралар барысында қала аумағында психотроптық заттар қойып кетумен айналысқан бойжеткенді ұстады, деп хабарлайды El.kz ақпарат агенттігі.

Полиция департаментінің мәліметінше, “жұмысқа” шыққан автоледи полицейлерді байқап, есірткі орамынан тезірек құтылу үшін, оны жолдың шетінде тұрған өз көлігінің астына лақтырып жіберген. Жедел қызметкерлер буманың ішінен бір реттік 20 доза “синтетика” тапты.

Оқи отырыңыз:

• Қоқыстан бесік тауып алған Жұлдыз Әбдукәрімова көз жасын тыя алмады
• Қостанай облысында қылмыстық топ ойдан шығарылған ет сатқан

Ұсталған бойжеткеннің көлігінің салонын тексеру кезінде тағы бір шағын орам гашиш тәркіленді. Бұған қоса, оң жақ еден кілемшесінің астынан құпия орындарды қазуға арналған пышақ табылды. Тергеушілер бұл жайтты ҚР ҚК-нің 297-бабы (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша СДТБТ-ға тіркеді.

Бойжеткен жақында ғана медицина саласындағы қызметінен отставкаға кеткендігі белгілі болды. – Қазір аталған жайт бойынша Еңбекші аудандық полиция басқармасы сотқа дейінгі тергеу амалдарын жүргізіп жатыр. Күдікті қамауға алынды, – деді есірткімен күресуші Бауыржан Қарбеков.

Полиция қызметкері есірткіні сату мақсатында заңсыз пайдалану бас бостандығынан айыру жазасына әкелетінін ескертті.