Шымкентте жантүршігерлік жол апатына түскен әйел аман-есен босанып, сәбиін қолына алды, деп хабарлайды EL.kz ақарат агенттігі.
Оқиға Тәуке хан даңғылы мен Аймауытов көшесінің қиылысында болған еді. Қатты соққыдан ВАЗ көлігінің түгі қалмады, ал Toyota көлігі бірден жанып кетті. Осыдан кейін ер адам мен оның аяғы ауыр әйелі ауыр жағдайда ауруханаға жеткізілген еді. 27 жастағы тұрғын 6 күн бойы комада жатып, есін жимастан қайтыс болды.
Қазір әйелдің өмірі мен сәбидің денсаулығына қауіп төніп тұрған жоқ, жәбірленушілер палатаға ауыстырылды.
Медициналық куәландыру нәтижелерін алғаннан кейін Toyota Camry жүргізушісі мас екені анықталды. Қайғылы оқиғаға кінәлі қыз бес жылға дейін бас бостандығынан айырылуы мүмкін.