Өскемен қаласында он қабатты тұрғын үйдің үшінші қабатындағы пәтерден өрт шықты, деп хабарлайды El.kz ақпарат агенттігі.
ТЖМ мәліметінше, өрт сөндірушілер құтқару құрылғысының (капюшонның) көмегімен түтін аймағынан 35 тұрғынды, оның ішінде 7 баланы эвакуациялады.
Қызыл жалын 25 шаршы метр алаңды шарпыған, ол толық сөндірілді. Зардап шеккендер жоқ. Өрттің себебі анықталуда.
ТЖМ азаматтардан өрт қауіпсіздігі ережелерін сақтауды сұрайды.