30 маусым күні Өскемен-Алтай тас жолында көлік өртенді, деп хабарлайды El.kz ақпарат агенттігі.
ШҚО ТЖД құтқарушылары оқиға орнына жедел жеткен. Белгілі болғандай, қызыл жалын 4 шаршы метр аумақты шарпыған.
Оқиға орнына келген өрт сөндірушілер 4 шаршы метр алаңда отты сөндірді. Қозғалтқыш бөлігінің бөлшектері, салон қаптамасы, аспаптар панелі, автомобиль дөңгелектерінің тысы жанып кеткен, - делінген мәліметте.
ШҚО ТЖД Өрт қауіпсіздігі ережелерін сақтауды, автокөлік салонында өрт сөндіргіштің болуын еске салады.