Шетелдік көздерден қаржыландырылатын тұлғалар тізілімі жарияланды

Мемлекеттік кірістер комитеті 2024 жылдың екінші жартыжылдығында шетелден қаржыландыру алған тұлғалардың тізілімін жариялады, деп хабарлайды El.kz ақпарат агенттігі.

Ведомство дерегінше, 2023-2024 жылдары мәліметтерді ұсынған адамдар саны 295-ті құрады, оның ішінде тұрақты түрде – 118 тұлға, мерзімді – 96, бір реттік – 81 тұлға.

2023 жылы шетелдік көздерден ақша және (немесе) мүлік алу туралы мәліметтерді 28,7 млрд теңге сомасына 267 тұлға ұсынды (2023 жылғы 1 жартыжылдықта - 14,3 млрд теңгеге 239 адам, 2023 жылғы 2 жартыжылдықта - 14,4 млрд. теңгеге 192 адам).

2024 жылы шетелдік көздерден ақша және (немесе) мүлік алу туралы мәліметтерді 27,2 млрд.теңге сомасына 218 тұлға ұсынды (2024 жылғы 1 жартыжылдықта - 13,6 млрд теңгеге 192 адам, 2024 жылғы 2 жартыжылдықта - 13,6 млрд теңгеге 200 адам), - делінген мәліметте.

Бұл шара азаматтардың мемлекетке де, үкіметтік емес ұйымдарға да сенімінің деңгейін арттыруға бағытталған.