Шайбалы хоккейден биылғы әлем чемпионатының элиталық дивизионында Латвия қола жүлдені жеңіп алды, деп хабарлайды El.kz ақпарат агенттігі.

Айта кетерлішгі, әлем біріншілігінде 3-орын үшін сайыста АҚШ пен Латвия құрамалары күш сынасқан болатын.

Бүгінге дейін америкалық хоккейшілер 2 мәрте алтын, 9 күміс, 9 қола медаль алды. Ал латвиялық құрама жарыстың аталған сатысында тұңғыш мәрте қатысты.

Кездесуде қос құрама тартысты ойын көрсетті. Бірінші кезеңде бір-бірінің қақпасынан екі-екіден шайба соғып үлгерді.

Үшінші кезеңде құрамалар бір-бір шайбадан соқты. Негізгі кезең 3:3 есебімен тең аяқталып, ойын овертаймға ұласты. Овертаймда Латвия жеңіс шайбасын салды.

Осылайша, латвиялық хоккейшілер өз тарихында тұңғыш мәрте әлем чемпионатының қола жүлдесін иеленді.