Семейде үй төбесіне шығып кеткен мысықты ТЖМ құтқарушыларының араласуымен төмен түсіруге тура келді, деп хабарлайды El.kz интернет порталы.
Бүгін 112 қызметінің жедел басқару орталығына Семей қаласының тұрғынының мысығы тұрғын үйдің шатырына шығып, өздігінен түсе алмай жатқаны туралы хабарлама келіп түскен.
Оқиға орнына ТЖМ Жедел-құтқару жасағының қызметкерлері жедел шықты. Құтқарушылар үш иінді жылжымалы сатыны пайдаланып, мысықты түсірді, - деп жазылған министрлік хабарламасында.
Бұған дейін қостанайлық ТЖМ құтқарушылары биік ағаштың басында сегіз күн бойы отырған мысықты құтқарған болатын.