Бүгін Сенат төрағасы Мәулен Әшімбаевтың төрағалығымен Сенат отырысы өтті. Онда Қазақстан Республикасы Парламенті Сенатының депутаттарын Қазақстан Республикасы Парламенті Сенаты тұрақты комитеттерінің құрамына сайлау туралы мәселе қаралды, деп хабарлайды El.kz ақпарат агенттігі.
Сенат депутаттары Арғынбекова Айнұр Серікпайқызы және Асанова Жанна Бейсентайқызы басқа комитетке ауысу туралы өтініш білдірді. Заңнамаға сәйкес депутаттардың ондай құқығы бар, - деп атап өтті Сенат төрағасы.
Арғынбекова Айнұр Серікпайқызы Әлеуметтік-мәдени даму және ғылым комитетінің құрамына, Асанова Жанна Бейсентайқызы Конституциялық заңнама, сот жүйесі және құқық қорғау органдары комитетінің құрамына сайланды. Мәулен Әшімбаев әріптестеріне жаңа комитеттердегі жұмысына табыс тіледі.