Семей қаласының Шугаев көшесінде жеке тұрған үш қабатты монша кешенінде өрт шықты, деп хабарлайды El.kz ақпарат агенттігі.
Нақтыланған мәліметтер бойынша өрт қазандықтың үй-жайында екінші қабатқа және жақын тұрған бір қабатты дүкеннің шатырына таралған. Қызыл жалын аумағы - 132 шаршы метр. Жалын толығымен сөндірілді.
Өрт сөндірушілер үш иінді баспалдақтың көмегімен 1992 жылы туған әйел адамды құтқарды. Зардап шеккендер жоқ.