Семейде екі қабатты мейрамхана өртенді

Семейде мейрамханалардың бірінде өрт шықты, деп хабарлайды El.kz интернет порталы.

Төтеншеліктердің мәліметінше, қабырға аралық қуыста жылытқыш жанып, от ғимарат қабырғаларының, төбесінің және шатырларының ағаш конструкцияларына, сондай-ақ бір шатырдың астында орналасқан жапсарлас дүкеннің шатырына тараған.

Оқиға орнына дереу жеткен өрт сөндірушілер қызыл жалынның одан әрі таралуының алдын алып, ғимаратты сақтап қалуға мүмкіндік туды. Өрттің жалпы ауданы шамамен 270 шаршы метрді құрады.

Зардап шеккендер жоқ. Күштер мен құралдарды үйлестіру және барлау үшін ұшқышсыз ұшу апараты жұмылдырылды.