Қазақстандық боксшы Санжар Тәшкенбай Ташкентте өтіп жатқан бокстан әлем чемпионатының жартылай финалына шықты, деп хабарлайды El.kz ақпараттық агенттігі.

48 келі салмақта өнер көрсететін қазақстандық Жапонияның боксшысы Кадзума Аратакені жекпе-жекте нокдаунға түсіріп, жеңіске жетті. Есеп төрешілердің шешімімен – 5:0 болды.

Енді А рингінде үшінші жұпта Махмуд Сабырхан (54 келі) ганалық Мохаммедо Амадумен, А рингінде сегізінші жұпта Дулат Бекбауов (67 келі) мексикалық Мигел Анхел Мартинеспен қолғап түйістіреді.

Сондай-ақ Б рингіндегі он төртінші жұбында Қамшыбек Қоңқабаев (92 келі) өзбекстандық Баходир Джалоловпен сайысқа түседі.