Рудныйда төрт жұмысшы қаза тапты, деп хабарлайды El.kz ақпарат агенттігі.
Құтқарушылар тереңдігі бес метрлік бункерді тазалауға түсіп, қайта шықпаған төрт адамды алып шықты.
6 қазанда 112 пультіне Қостанай облысының Рудный қаласындағы тереңдігі 5 метр болатын бункерді тазарту жұмыстарын жүргізу барысында 4 адам түсіп, қайта шықпағаны туралы хабарлама түскен.
Оқиға орнына жеткен жедел жәрдем қызметкерлері олардың көз жұмғанын анықтады.
Қазір оқиғаның мән-жайы анықталып жатыр.