Риддерде 10 жастағы жоғалған қыз табылды

Риддер 10 жастағы жоғалған қыз табылды, деп хабарлайды El.kz ақпарат агенттігі.

Полицияның дерегінше, 11 тамыз күні сағат 21:56 шамасында ШҚО ПД Риддер қаласының полиция бөліміне 31 жастағы қала тұрғыны келіп, оның 10 жасар қызы сағат 18:00 шамасында үйден кетіп, осы уақытқа дейін оралмағанын хабарлаған.

Іздеу шаралары барысында кәмелетке толмаған бала таңертең табылып, туыстарына қайтарылды.

Белгілі болғандай, қыз серуендеуге шешім қабылдап, бұл туралы ата-анасына айтпаған. Оны табуға отбасының танысы болған қырағы қала тұрғыны көмектесті. Әйел адам қызды өз үйіне шақырып, содан кейін туыстарына оның орналасқан жері туралы хабарлаған.