Ресей мен Украина делегациялары Ыстамбұлға барды

Ресей мен Украина делегациялары Ыстамбұлда келіссөздер жүргізіп жатыр, деп хабарлайды El.kz интернет порталы.

Жергілікті БАҚ мәліметінше, келіссөздердің басында Түркияның сыртқы істер министрі Хакан Фидан сөз сөйлейді. Ресей делегациясын президент Владимир Путиннің көмекшісі Владимир Мединский, ал Украина делегациясын қорғаныс министрі Рустем Умеров бастап келді.

Мединскийдің мәліметінше, Украина өз меморандумын Ресейге украин және ағылшын тілдерінде тапсырған. Ақпарат құралдарының хабарлауынша, бұл құжаттың басты талаптары мыналар:

• атысты толық тоқтату,
• әскери тұтқындарды «барлығын барлығына» формуласы бойынша айырбастау,
• Украинаға халықаралық қауіпсіздік кепілдіктерін беру,
• Путин мен Зеленский арасында кездесу ұйымдастыру.

Ресей өз меморандумын тікелей келіссөз үстінде таныстыруды жоспарлап отыр.

Оқи отырыңыз:

• Украина әлем чемпионатына қатысудан бас тартты
• Трамп Путинге қатысты өткір мәлімдеме жасады

Естеріңізде болса, 16 мамыр күні Түркияның Ыстамбұл қаласында Ресей мен Украина арасындағы үш жылдан бергі алғашқы тікелей келіссөздер өтті.

The Economist журналисі Оливер Кэрроллдің айтуынша, Мәскеу бұл кездесуде Украинаға тарихи мысал келтіре отырып, «Швециямен 21 жыл соғысқанын» еске салған және Харьков пен Сумы облыстарын да басып алу туралы қаупін қоқан-лоқы көрсеткен.