Биыл елімізде бірден 12 мың шақырым жол жөнделіп жатыр. Көлік министрі Марат Қарабаевтың сөзінше, бұл ешқашан болмаған рекордтық көрсеткіш, деп хабарлайды El.kz ақпарат агенттігі.
Мемлекет басшысы жолдың жалпы қызығын ауыл-ауылдардың бәрі көрсін деп тапсырды, - деді министр.
Марат Қарабаев осы уақытқа дейін жолдарға бұрын бөлінбеген қаржы бөлінгенін жеткізді. Сондай-ақ осы уақытқа дейін барлық назар халықаралық көлік дәліздерге бөлініп келгенін айтты.
Бұған дейін бүкіл фокус халықаралық көлік дәліздеріне салынған. Яғни үлкен төрт жолақты жобалардың іске қосылуына салынған. Биыл біз жаңа бағдарлама бастадық. Яғни орташа жөндеуге көптен бері көңіл бөлінбеген. 20 жыл немесе 15 жылдан бері мүлдем ешқандай жөндеу жұмыстары жүргізілмеген жобаларды толығымен қолға алып, солардың орташа жөндеу жұмысын бастадық, - деді министр.