Шымкентте 344 сайлау учаскесі жұмыс істеп тұр. Оның 23-і жабық, онда азаматтардың ерекше санаттары үшін дауыс беру мүмкіндігі қамтамасыз етіледі, деп хабарлайды El.kz ақпарат агенттігі.
Қалада 18 жасқа толған 660 563 тұрғын дауыс беру құқығына ие. Референдум күні Шымкенттегі қоғамдық көлік жолаушыларды тегін тасымалдайды, бұл учаскелерге баратын азаматтарға ыңғайлылықты қамтамасыз ету үшін қарастырылған.
Айта кетсек, №6506 әскери бөліміндегі 665 мерзімді әскери қызметші №89 сайлау учаскесінде сағат 06:00-де өз таңдауын жасады. Себебі әскери қызметкерлер таңғы сағат 07:00-ден қаладағы қоғамдық қауіпсіздікті қамтамасыз етуге атсалысуға жұмылдырылады.