Қызылорда мектептерінің бірінде оқушылар арасында төбелес болып, оқушы пышақ жарақатын алды, деп хабарлайды El.kz ақпарат агенттігі.
2023 жылдың 4 сәуірінде қала мектептерінің бірінде оқушылар арасында жанжал болып, біреуі пышақ жарақатын алды. Жасөспірім ауруханаға жеткізіліп, медициналық көмек көрсетілгеннен кейін ол үйіне жіберілді. Бұл факт ҚР ҚК 293-бабы бойынша тіркелді, тиісті сараптамалар тағайындалды, - деп хабарлады Қызылорда полиция департаменті.
Күдікті жасөспірім Қызылорда қалалық полиция бөліміне жеткізіліп, ата-анасына тапсырылды. Қазіргі таңда тергеу амалдары жүргізіліп жатыр.