Қытайдың Шаньдун провинциясында көлік электрскутер мінген адамдар тобын қағып, сегіз адам қаза тапты. Тағы төртеуі жарақат алып, ауруханаға жеткізілген, деп хабарлайды El.kz интернет порталы.
Зардап шеккендердің жағдайы тұрақты деп бағалануда.
Полиция мәліметінше, көлікті 37 жастағы ер адам басқарған. Алдын ала тергеу нәтижесі бойынша, жол апатының себебі – жүргізушінің мас күйінде көлік жүргізуі болған. Ол жеңіл автокөлікпен келе жатып, бірнеше электрскутерді соққан. Бір адам оқиға орнында көз жұмса, тағы жеті адам ауруханаға жеткізілгенімен, дәрігерлер олардың өмірін сақтап қала алмаған.
Қайғылы жағдай 14 қазан күні кешке болған. Қазір оқиғаға қатысты қосымша тергеу жүргізіліп жатыр.