Құтқарушылар 8 пәтерді өрттен аман алып қалды

Шығыс Қазақстан облысы Шемонаиха ауданы Первомайский кентінде екі қабатты тұрғын үйлердің бірінің кіреберісінде өрт шықты. Ондағы баспалдақ маршының ағаш конструкциялары, терезе блоктары, пәтерлердің кіреберіс есіктерінің қоршаулары мен қаптамалары жанған. Тұрғын үй-жайларға өрттің таралу қаупі төнген, деп хабарлайды El.kz ақпарат агенттігі.

Келген өрт есептоптары жағдайды жедел бағалай отырып, жалынның тез салқындауын қамтамасыз ете отырып, жабық кеңістіктерде суды барынша тиімді шашатын біріктірілген өрт оқпандарын дереу іске қосты. Сол сәтте екінші қабаттағы балконнан өрт сөндірушілер үш иінді баспалдақтың көмегімен 9 тұрғынды эвакуациялады.

ТЖМ мәліметінше, өрт пәтерлердің ішіне таралмай жатып сөндірілді. Зардап шеккендер жоқ. Өрттің себебі анықталуда.