Құлсарыдағы 8 жасар қыздың өліміне күдікті 36 жастағы азамат ұсталды

5 маусым күні шамамен сағат 12:00-де Құлсары қаласында 2018 жылы туған жасөспірім қыз үйінен шығып кетіп, қайта оралмаған. Сағат 21:28-де оның ата-анасы полицияға хабарласқан.

Іздестіру жұмыстарының нәтижесінде 6 маусымға қараған түні, сағат 02:19 шамасында қыз баланың мәйіті Құрсай өзегінен табылды.

Аталған факті бойынша 36 жастағы Құлсары қаласының тұрғыны күдікті ретінде ұсталды. Ол уақытша ұстау изоляторына қамалып, соттың санкциясымен қамауға алынды. Қазір бұл дерекке қатысты қылмыстық іс қозғалып, оқиғаның барлық мән-жайын анықтау мақсатында тергеу амалдары жүргізілуде, - делінген хабарламада.

Полиция мұндай ауыр санаттағы қылмыстар үшін заңнамада ең қатаң жаза көзделгенін еске салады. Қылмыстық істің тергелуі Атырау облыстық Полиция департаменті бастығының ерекше бақылауында.