Атырау облысының Құлсары қаласында 100-ден астам жеке тұрғын үй мен 10 бизнес нысаны су астында қалып отыр, деп хабарлайды El.kz ақпарат агенттігі.
Айта кетейік, өткен аптада құтқарушылар 2815 үйден су бұрып, сору жұмыстарын жүргізген болатын.
ТЖМ мәліметінше, өңірдің эвакуациялық пункттерінде 769 адам бар, олардың 430-ы балалар.
Естеріңізге сала кетейік, 2024 жылдың 7 сәуірінен бастап облыста жергілікті ауқымдағы табиғи сипаттағы ТЖ режимі сақталуда. Жайық өзеніндегі су деңгейі артуда. Төмендеу байқалмайды.