Бұрынғы ұлттық экономика министрі Қуандық Бишімбаевтың әйелі Саланат Нүкеновамен қоштасу 11 қараша күні өтеді, деп хабарлайды El.kz ақпарат агенттігі.
Бұл туралы Салтанаттың ағасы Айтбек Амангелді өзінің Instagram-дағы парақшасында мәлімдеді.
Ертең сағат 10:00-де Павлодардағы Мәшһүр Жүсіп атындағы мешітте Салтамен қоштасамыз, - деп жазды марқұмның бауыры.
Айта кетейік, 9 қараша күні Астанадағы мейрамханалардың бірінде ер адамның әйелін ұрып өлтіргені туралы ақпарат тарады. Кейіннен күдікті ретінде бұрынғы ұлттық экономика министрі Қуандық Бишімбаев ұсталды. Оқиға елордадағы «Bau» мейрамханасының маңында болған. Алдын ала болжам бойынша, ол әйелі Салтанат Нүкенованы соққыға жығып, дене жарақатынан әйел жедел жәрдем келгенге дейін қайтыс болған.