Қостанай облысының құтқарушылары төрт азаматқа көмекке келді. Олар ауа райының қолайсыздығынан облыстық маңызы бар «Арқалық-Торғай» автожолының жабылуына байланысты қар құрсауында қалып қойған, деп хабарлайды El.kz ақпарат агенттігі.

ТЖМ-нің жоғары ТРЭКОЛ техникасы қар құрсауынан алып шыққан адамдарды шұғыл түрде Арқалық қаласындағы ауруханаға жеткізген. Құтқарылғандардың арасында реаниматолог дәрігер мен жедел жәрдем фельдшері, сондай-ақ 2010 жылы туған жасөспірім мен ер адам болған.