Қостанайлық полицейлер психотроптық таблеткалардың үлкен партиясын тәркіледі, деп хабарлайды Еl.kz ақпараттық агенттігі.

ҚР ІІМ мәліметінше, жедел-іздестіру іс-шаралары барысында 21 жастағы Қостанай тұрғыны ұсталған, оның үйінен айрықша заттар салынған бес шыны құты және екі полимерлі Zip-пакет табылды.

Зертханалық зерттеулер жүргізілгеннен кейін ер адамның құтыларда кептірілген марихуана сақтағаны белгілі болды. Пакеттерде психотроптық саңырауқұлақтар мен құрамында психотроптық заттар бар «Ксанакс» дәрілік препараты мен таблеткалар бар, - деп түсіндірді Қостанай облысы ПД ЕҚҚІҚБ бастығының міндетін атқарушы Амир Нигматзанов.

Полиция 1 келіге жуық марихуана, 65 гр кептірілген саңырауқұлақтар, сондай-ақ 312 дана психотроптық таблетка тәркіледі.

ҚР ҚК 297-бабы бойынша сотқа дейінгі тергеу басталды.