Қостанай облысында екі пәтерлі жеке тұрғын үй өртенді. Оқиға Алтынсарин ауданындағы Приозерное ауылында болған, деп хабарлайды El.kz ақпарат агенттігі.
Өрт сөндірушілер келгенге дейін ондағы газ ауа қоспасы жарылған. Оқиға болған кезде үйде адамдар болмаған.
Мамандар жанып жатқан ғимараттан бір газ баллонын қауіпсіз аймаққа алып шықты, бұл жойқын жарылыстың алдын алған.
Өрт сөндірілді. Зардап шеккендер жоқ. Оқиғаның алдын ала себебі – пешті пайдалану кезінде өрт қауіпсіздігі ережелерінің бұзылуы,-делінген ТЖМ мәліметінде.