Қостанай облысында құтқарушылар қар құрсауынан тағы 30 адамды эвакуациялады, деп хабарлайды El.kz ақпарат агенттігі.

ТЖМ мәліметінше, Амангелді ауданының Амантоғай ауылынан 15 шақырым жерде, облыстық маңызы бар «Әулиекөл - Жолдама» автожолының жабық учаскесінде құтқарушылар күшімен жолдың тазартылған учаскесіне ішінде 30 адам бар 8 жеңіл автомобиль сүйреп шығарылды.

11 жолаушы, оның ішінде 3 бала Амантоғай ауылындағы жылыту пунктіне жеткізілді. Құтқарылғандардың ешқайсысы медициналық көмекке мұқтаж болған жоқ, - делінген мәліметте.