Қазақстан қор биржасындағы (KASE) сауда-саттық қорытындысы бойынша, 1 доллардың теңгеге шаққандағы бағамы өсті, деп хабарлайды El.kz ақпарат агенттігі.
KASE қор нарығындағы күндізгі сауда қорытындысы бойынша, доллар бағамы 1,70 теңгеге қымбаттады. Бір АҚШ долларының орташа бағамы 451, 82 теңге. Ұлттық банктің 15 маусымдағы ресми бағамы – 1 долларға 450, 16 теңге. Ресей рублінің орташа сараланған құны - 5,35 теңге.
Kurs.kz мәліметінше, қазіргі уақытта Алматының ақша айырбастау пунктерінде доллар 449,5 теңгеден сатылып жатыр, сатып алу бағамы – 453 теңге. Ал Астана қаласы бойынша сату бағамы – 450,2 теңге, сатып алу құны– 454,2 теңге. Ресей рублі 5,32 - 5, 42 теңге аралығында саудаланып жатыр.