Қонаевта үлкендердің қарауынсыз мұз айдынында сырғанап жүрген екі бала құтқарылды. Оқиға «Голубой залив» демалыс аймағында болған, деп хабарлайды El.kz ақпарат агенттігі.
ТЖМ жедел-құтқару жасағының құтқарушылары профилактикалық жұмыстар жүргізу кезінде ересектердің қарауынсыз мұз үстінде ойнап жүрген екі баланы байқап қалған. Төтеншеліктер дереу балаларға барып, оларды жағаға жеткізді.
Балалар зардап шеккен жоқ, оларды ата-аналарына тапсырды.
ТЖМ ата-аналарды мұқият болуға, балаларды қараусыз қалдырмауға шақырады.