Алматы облысының Төтенше жағдайлар департаменті хабарлағандай, 22 қыркүйек күні, сағат 12:00-де Қонаев қаласында халықты шұғыл мобильді хабардар ету жүйесінің техникалық тексерісі өтеді, деп жазады El.kz интернет порталы.

Бұл уақытта қала тұрғындары мен қонақтарының мобильді құрылғыларына дыбыстық белгімен қоса мәтіндік хабарлама түседі.

Департаменттің мәліметінше, аталған жүйе төтенше және шұғыл жағдайларда халықты жедел хабардар ету үшін қолданылады.

Мұндай хабарламалар түскен кезде олардың мазмұнымен мұқият танысып, көрсетілген нұсқауларды орындау қажет, – деп атап өтті ведомство.

Айта кетейік, тексеріс тек техникалық сипатқа ие және халық үшін ешқандай қауіп төндірмейді.